Folúntais:
Tá Met Éireann, rannán líne de chuid na Roinne Tithíochta, Rialtais Áitiúil agus Oidhreachta, ag lorg léirithe spéise i gcomhaltacht taighde, a gcuirfear tús léi a luaithe is féidir. Seo a leanas cur síos ar an ról a bhfuiltear ag earcú ina leith.
Taighdeoir Iardhochtúireachta – Bithaerasóil a bhrath i bhfíor-am trí úsáid a bhaint as
ionstraimíocht nua – Spóir fungais
(Conradh ar théarma seasta)
Oibreoidh an t-iarrthóir a n-éireoidh leis/léi mar chuid d’fhoireann idirdhisciplíneach a chumhdaíonn rannáin éagsúla laistigh de Met Éireann (Breathnóireacht; Taighde agus Cur i bhFeidhm; agus Réamhaisnéis) agus le comhpháirtithe in Ollscoil Chathair Bhaile Átha Cliath chun cuspóirí an tionscadail a chur i gcrích. Is é príomhról an Taighdeora Iardhochtúireachta na díchill mhonatóireachta reatha a fhairsingiú chun brath agus sainaithint spór fungais ar díol spéise iad a chuimsiú.
Cuirfear an Taighdeoir Iardhochtúireachta ar an eolas ar dtús maidir leis na modhanna reatha a úsáidtear chun feistí Poleno a thraenáil agus cuirfear tús leis an bpróiseas chun an mhodheolaíocht sin a chur in oiriúint agus a aistriú do spór fungasach. Déanfar sprioc-chineálacha spóir a shainaithint agus a fhoinsiú chun modhanna a fhorbairt agus tacair sonraí oiliúna a ghiniúint. Úsáidfear na tacair sonraí oiliúna phróiseáilte chun algartaim aicmithe a fhorbairt, i gcomhar le Swisens, chun spóir fungais éagsúla a shainaithint i neas-fhíorama. Déanfar é sin a chur i gcomparáid le modh traidisiúnta micreascópach toirtmhéadrach Hirst agus é a thomhas ina aghaidh. Éileoidh sé seo ar an Taighdeoir spóir fungais a athint faoin micreascóp.
De ghnáth, bíonn an fhorbairt a dhéantar ar líonraí ailléirgine aeir dírithe go príomha ar limistéir ina bhfuil dlús daonra. Mar sin féin, cuirtear tairbhí breise ar fáil d’earnálacha talmhaíochta nuair a áirítear bithaerasól pataigineach plandaí a d’fhéadfadh a bheith ann, amhail cineálacha áirithe de spóir fungais. Dá bhrí sin, déanfaidh an Taighdeoir Iardhochtúireachta meastóireacht staitistiúil ar oiriúnacht agus ar chlúdach spásúil na láithreán samplála reatha i ndáil le dlús daonra agus cur i bhfeidhm torthaí féideartha talmhaíochta araon fad a bheidh sé/sí ar an eolas faoi threoir agus faoi dhea-chleachtas ó AutoPollen EUMETNET, EAN agus EAS. Bainfear úsáid as toradh na hanailíse seo chun treoir a thabhairt maidir le roghnú na suíomhanna Poleno a bheidh ann amach anseo. Is é a
bheidh i gceist leis an obair sin freisin páirt a ghlacadh i ngrúpaí oibre atá dírithe ar rialú cáilíochta agus láithreánú mar chuid de thionscadal AutoPollen EUMETNET.
An Roinn/An tÚdarás Fostaithe
An Roinn Tithíochta, Rialtais Áitiúil agus Oidhreachta (Met Éireann).
Earcú
Tá an Roinn Tithíochta, Rialtais Áitiúil agus Oidhreachta (Met Éireann) ag earcú don phost seo faoina Ceadúnas Earcaíochta arna eisiúint ag an gCoimisiún um Cheapacháin Seirbhíse Poiblí (CCSP) agus de réir Chód Cleachtais an CCSP.
Suíomh Gréasáin na Roinne/an Údaráis Fostaíochta
www.met.ie
Láthair
Beidh an t-iarrthóir a n-éireoidh leis/léi lonnaithe i gCeanncheathrú Met Éireann atá lonnaithe i gCnoc Ghlas Naíon, Baile Átha Cliath 9. Nuair is féidir, féadfar cead a thabhairt don iarrthóir a n-éireoidh leis/léi cianobair a dhéanamh go pointe áirithe, i gcomhréir le polasaithe arna gceadú ag an rialtas maidir le freastal ar an ionad oibre. D’fhéadfadh taisteal ócáideach a bheith riachtanach chun na dualgais a bhaineann leis an bpost a chomhlíonadh.
Iarratais
Is ag an 5pm, Dé hAoine 14 Márta 2025 an dáta deiridh a nglacfar le hiarratais.
Eolas Breise:
Ba cheart d’iarratasóirí a gcuid foirmeacha iarratais a sheoladh ar aghaidh chuig postdoc.recruitment@met.ie.
Tabhair ar aird: ní bhreithneofar ach iarratais a chuirfear ar aghaidh ar an bhfoirm iarratais oifigiúil amháin.
Cliceáil anseo chun an fhoirm iarratais a íoslódáil
Dáta Fógraíochta
17/02/2025
An Dáta Deiridh a nGlacfar le hIarratais
14/03/2024 ag 5pm